Te Kairangi o te Reo Māori, Hoki Mai - (Te Reo)

E ngā mana, e ngā reo, e ngā hau e whā, e ngā waka, e ngā kārangarangatanga maha o te motu, tēnā koutou! Tēnā koutou! Tēnā koutou katoa!

Ko Areta Pakinga tōku ingoa, nō Te Arawa e kīia nei ko Te Arawa Māngai Nui. He kākā tarahae, he kaikōrero paki, he aro pū ngā kōrero. Nā reira e tika katoa ana te whakaputanga nei o Te Ao Marama mō taku kete kī katoa ana ki te whakarauoratanga o te reo me ngā vodka sodas.

Nōku te hōnore ki te whakataki i te whakaputanga o tēnei tau mō Te Ao Mārama

Nā te mea, he tauira ahau nō Te Herenga Waka, i tino rangona, me mātua mihi e tō tēnei tau Te Ao Mārama te rima tekautanga o te Petihana Reo Māori. Ko te kaupapa mō tēnei tau ‘te kairangi o te reo Māori, hoki mai.’ Me ko tērā te kaupapa me mātua whai i te kairangi o te reo Māori ka whakamahia i te makihīni nei. Nā reira, mō te wā tuatahi, ka tāia Te Ao Mārama ki te reo Māori, me te reo Pākehā.

Me kī pēnei au, i waihangatia Te Ao Mārama kia reo Māori katoa ia whakaputanga. E ai ki ā mātou rangahau, kāore anō kia tutuki tēnei, tae noa ki nāianei, nā konā ka motuhake ake ai a Te Ao Mārama 2022. Māmā noa iho te whakatau kia tāia ki roto i ngā reo e rua. Tino rerekē i te Tiriti, e tino hāngai pū ana ngā whakamāoritanga.

Ko te wairua o Te Ao Mārama 2k22 kia whai wāhi, kia whakatairangatia te hirahira o te reo Māori ahakoa te aha. He ātaahua, pai ake i tā te parata Shakespeare

 I tēnei whakaputanga, ka kitea he rārangi taima mō ngā kaupapa reo whakahirahira, ngā kōrerorero mō ngāi Māori i roto i te ao whare wānanga, rāngai tūmatanui, ngā haututū Māori, me tētahi arotake mō Te Whare o Te Taniwha mutunga kē mai o te pai. Kei roto hoki i tēnei ko ngā toi i hangaia, i auahatia e tō mātou tīma auaha Māori me te nui o ngā tuhituhinga kaingākau o ō tātou tauira.

Ākene hei te paunga o te wiki, kua pau kē ngā mea Pākehā, kua waiho te pūkei mea Māori. Heoi anō me mātua whakamātau tēnei e tētahi. Nā te mea he uri au nō Te Arawa Māngai Nui, ka riro māku kia pēra.

Ki ngā kaipānui: ko te tūmanako ka āta whakaarohia tō haerenga i roto i te reo Māori. Arotakehia, panonihia, tīmatahia rānei. Ākene ko te Te Ao Māori mō tēnei tau hei tīmatatanga mōu.

Pānuihia ngā mea e rua, tirohia ngā rerenga kētanga o ngā kupu me te whakatakotoranga o ngā rerenga. Ko 2022 tēnei, kua 35 tau e noho mana ā-ture ana te reo hei reo ā-ture, engari i te tino ora katoa i mua noa atu i tēnā. Nā te mea he tangata e hīkoi ana i tēnei whenua, he haepapa tōku ki te ako i te reo Māori.

Yours in Māoritanga

Areta Pakinga